انا ومصر

ورغم جنانك العاقل كثوفك يوم مانتقابل ورغم ان انتي ملبوخه كلامك كله مش كامل لكني برده بهواكي بشوف الصمت براكي احس الكلمه من جوه ورغم الصوت مهوش طالع بلاقي ف همسك القوه
فضميني وخبي قلبك الملهوف وخليكي هنا جنبي بلاش تسبيني اوتمشي ولو طلباكي تتمشي فممكن تمشي جوايا وكل ماتمشي وتخطي تلاقي الخطوه بحكايه ترسم حضن بالاشواق تلون قلبي بالاحمر وقلبك انتي بالازرق كلون البحر لورايق وجواكي انا بغرق عاوزاكي تمشي براحه تعدي سور شرايني تلاقي الدم متجمع ميدان القلب بيدمع ويهتف للحيا ه بيكي

بلاد الحب اشواق وكاس العشق براق فضميني بلا خوف فقلبي اليك مشتاق عشقي ظل مستترا طوال الوقت يتصبر ورغم تذللي عشقا غرورك دام يتكبر فحني لي ياسيدتي وحسي بيا مش اكتر

قالولي الكلمه مش هتفيد مادام الجهل لسه عنيد ولسه القاضي بينادي ويصدر حكم بالتجديد وحكمه الحبس اما الموت فقولت خلاص دي موته ويباخت اليموت عايش ولا العيش من غير صوت وعارف ان انا الجاني بدون تحقيق عشان تلفيق وقولي الدوله فيها قانون مالكل شايل الف تهمه وبالقانون وكله بالميراث مشغول ونفسه يقسم التورته ووقت القسمه يقلب غول هو احنا يعني نقوم نثور ندي الغنايم للنسور تنهب وتاكل ف لحم طيرنا هو احنا لي خيرنا لغيرنا ؟

كمان الشرطه غلبانه ونفسيتها تعبانه عشان الثوره كسرتها فلازم برده تتعافي واي يعني شوية خوف ع مولتوف ع طلقه تشيل الشوف وحبة غاز يخافو الناس ونحبسهم بدون اسباب

وبرده الشعب يعذرنا عشان بنحارب الارهاب فجاه العلم اصبح صنم والنشيد مبقاش بلادي ف اليقتل واليسجن تتقطع كل الايادي